*ღ منتديات ღ*-إلــهـ{ طـألـبـ }ـأم-**

*ღ منتديات*-إلــهـ{ طـألـبـ }ـأم-* ღ*
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 مدرستي....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahlem.za
مديرة احلى بنات
مديرة احلى بنات


[ .. مساهمتكـ .. ] : 68
تاريخ التسجيل : 15/08/2010
العمر : 21
الموقع : http://ahlamalanime.own0.com/forum.htm

مُساهمةموضوع: مدرستي....   الخميس يوليو 07, 2011 7:30 pm

]السلام عليكم ورحمة الله وبركاته

اليوم ان شاء الله راح احجيلكم عن مدرستي
اللي ما احبها اشلون هيه متخلفة و مزعجة

اني درست بيهة سنتين السنة الماضية و هاي السنة
و اصلا اول ما جيت للامارات قالو بيت خالتي احنة بهاي المدرسة
هاي المدرسة بيهة تحفيظ قرآن و مواد شرعية
سجلنة بيهة و درسنة
هية جانت عادية وزينة بس بعدين غيروا كل شيء و هذا الحجي السنة الماضية
جان الجبس عادي و المشروبات الغازية و العلج و المسقول
بس السنة الماضية كل هذا غيوه الى ممنوع
بس بعدين باخر السنة اني قلت راح ابقة بس اهواية بنات راحوا
بعدين بدت هاي السنة انوبة انجلبوا اكثر
صار كللللللللللللللللل شيء ممنوع
احنة ضجنة كلش
وفوق ما احنة ضايجين انوبة باخر شهر كامو يفتشوف الجواريب بالمسجد
لان احنة نصلي الظهر بالمدرسة لان تدرون اسلامية
كاموا لازم تكون الجواريب اللي نلبسهة بالمسجد نظيفة
اول
يوم من هذا القانون الجديد الحمد لله جواريبي نظيفة و ثاني يوم جنت دا
ارجع من الوضوء جان تجي هية هاي اللي تفتش هيه ابلة عربي مالصف ثالث اجتي
علية عالصف كلتلي تعالي راحت وكفت يم باب الصف كالت شو ارفعي مريولج رفعته
جان اتكلي ليش بنطرونج وسخ اني بنطروني مو وصخ بس هوة ماخذ لون و طبعا كالت
كدام ابلة القران مساعدة رائدة صفنة جان تجي رائدة صفنة و هية هاي اني
اموووت عليهة من بداية السنة كلتلها هاي الابلة مالصف ثالث كلتلها شوفي
اشلون بنطرونهة وسخ وطبعا هاي رائدة صفنة ما عجبهة الوضع اللي سوته هاي
الابلة فضاجت شوية جان نروح للمسجد كعدنة جان تجي اخت هاي الابلة وهية هم
ابلة عربي بس مالصف رابع اجتي ولمن وصلتلي كلتلي انتِ اذا باجر جيتيني بهذا
البنطرون اشدلجياه يعني تجرة من جوة المهم فجان اضحك يعني ابتسمت جان
اندار و كلت سخيفة يمكن سمعتني رائدة صفنة لان هية جانت كاعدة يمي جان يمكن
رابع يوم او خامس يوم اجتي مالصف ثالث دتفتش جان اتكلي جواريبج وسخة اطلعي
صلي ورا اني جانت جواريبي وسخة لان مشيت بيهة من الصف للمسجد المهم كتلهة
ليش اكو فرق بين ورا او اهنا قالت مش عاجبك كتلهة لا عادي المهم رحت ورا و
جانت عشر بنات وياية من صفنة لان ملابسات جواريب و طبعا هذا قانون هم مالمو
لابسات جواريب جان نفس اليوم و اني كل هاي السنتين اني احاول ما اسوي شيء
علمود لا اشوه سمعتي و انوبة هيه بكل هاي السهولة تشوهة فجان نندار ورة ما
خلصنا الصلاة جان هاي وحدة ابلة هية مشرفة الانجليزي و تدرس صف ثاني عشر
يعني سادس اعدادي بالعراقي جان تجي دتفتر جان اتباوع علية دتتاكد هاي اني
لو وحدة ثانية لان مو متصورة اني هيج عالاخر السنة جان اتكوم تحجي كالت
عادي البسوا حتى لو جانت الجواريب ملونة عادي البسوهة بس المهم نظيفة جان
اني اقول بقلبي لعد ليش ماكتوا من الاول جان لبست جواريب ملونة اني ما احب
الجواريب البيضة يعني ما اشتريهة قليييل بس اشتري ملونة فبعدين كلت للابلة
مالصف رابع اروح لصفي جان اتكول لا لما يجي عود انتِ روحي وهية طووول
الوقت اتباوع علية وحاقدة هية و اختهة حاقدات علية ويمكن مسوين كل شيء
علمود يطلعوني وهنة لمن يطلعون فد وحدة يعلون صوتهن علمود يفضحون الوحدة و
اصلا هنة صوتهن عالي يعني هاي مالصف رابع مرة جنة دنمتحن عربي ففاتحين
الباب و همة هم جانو شوية فاتحين الباب فكاعدين نسمع الشرح كله و اصلا هية
مو زينة بالاعراب بس جايبيهة لان زوجة فد واحد هم معلم بقسم الولد ما خلتنا
نفتهم شيء من الامتحان المهم فضحتني فضيحة مو طبيعية و اني مو طلعتني بعد
كرهت المدرسة و كلت الة اغيرها ان شاء الله بس المشكله اهلي ما يقبلون بس
اني ان شاء الله ما اخليهم يسجلوني بهاي المدرسة الجايفة و المتخلفة
هسة راح اقلكم ان شاء الله المريول
المريول
مالابتدائية لونة ازرق بعني عوذةةة مريول قديم ازرق و جيوبة خارجية و من
جوة المريوم هيج مفتوح بس يجي هوة يطير المريول يعني عود ستر اسم الله
عليهم و طبعا يعني المريوم بدون اردان ومن جواه فهة اشكبرهةةةةةة
اشعرضهةةةةةة و مريول الاعدادية و الثانوية يعني بالعراقي متوسطة و اعدادية
مريولهم الاقماش خشخاش ما اعرف شسمة بالعراقي المهم مريول يلعب النفس لونة
كحلي و كامل وية الاردان عبالك دشداشة مالبيت و الحجاب مثلث يعني ربطة
بالعراقي مالابتدائية و الاعدادية ابيض و مالثانوية اسود و البنطرون
مالابتدائية و الاعدادية ابيض قماااااااااش و مالثانوية اسود او يكدرون
ابيض بس لازم قمااااااااااش و الجواريب بيضة و الحذاء اسود و ممنوع الشيلة
يعني المشمر و اللي تلبس جنز يعتبروه شيء جبيييير و مشكلة جبيرة و تنشهر
بالمدرسة يعني الله يساعد اللي تلبس جنز و الكحل اكييد ممنوع او باختصار
المكياج كله و الجبس و المشروبات الغازية و الحلاوة يعني المسقول ممنوع
و....و...و...و...و...ممنوع و الدفتر او الملف اللي مرسوم عليه بنات يعني
مثلا الجاسوسات يشخبطون عليه او يقطعوه و اي مخالفة نجيبهة للمدرسة ياخذوهة
و يبيعوهة و ممنوع واحد يجيب اهواية افلوس اذا وحدة جابت ياخذوهة و
يطورون المدرسة بيهة وحتى بالعلم ما يهتمون يعني شكو ابلة توهة متخرجة من
الجامعة يجيبوهة يعني بعدهة ما عدهة خبرة يعني الابلوات مكومات و تخيلوا
حتى على الابلوت عدهم قوانين يعني لازم ما يلبسن شيلةملونة يعني مشمر و
ميصير يحطن مكياج و ميصير يحفن حواجبهن و العباية لازم سادة و حتى اللي
يروحون هاي المدرسة يتخبلون ويكومون حتى الابلوات ما يحترموهن يعني
وييييييييين اذا مدرسة غيرهة يصير كله احترام و حلو مو مثل هاي المدرسة
اعوذ بالله
بالله عليكم هية هاي مدرسة؟


ممنوع النقل لو سمحتوا

انتضر ردودكم الحلوة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamalanime.own0.com
 
مدرستي....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
*ღ منتديات ღ*-إلــهـ{ طـألـبـ }ـأم-**  :: •عالمنا الخاص• :: Oooo(مدرستنــا)oooO-
انتقل الى: